Thomas Strakosha është kthyer në një nga portierët më të mirë në Seria A dhe interesi i mediave në drejtim të tij është mjaft i madh. I pranishëm në një mbrëmje bamirësie së bashku me Senad Lulic, Strakosha ka folur për objektivin kryesor të bardhekaltërve që është përfaqësimi në Champions League.
“Personalisht impenjohem çdo ditë në stërvitje dhe bëj më të mirën time dhe besoj se në fund të sezonit mund të jemi në një nga katër vendet e para të Seria A, që do të thotë përfaqësim në Champions. Jemi në rrugë të mbarë dhe do të marrim atë që na takon”, kanë qenë fjalët e lojtarit që është pjesë e Kombëtares Shqiptare.
