Antonio Cuccittini, gjyshi i yllit argjentinas nga ana e nënës, Lionel Messit, ka vdekur sot në spital.
Antonio ishte dërguar sot në spital në Rosasio pasi ishte sëmurë, ku vdiq më vonë, raporton e përditshmja spanjolle “Marca.
Ai vdiq në moshën 80-vjeçare.
Pasi bashkëshortja e tij, Celia, kishte vdekur vite më parë, Antonio jetonte i vetëm në shtëpinë e vet në qytetin argjentinas.
Të dy, gjyshja dhe gjyshi i Messit nga ana e nënës kanë qenë shumë të rëndësishëm për yllin e Barcelonës në fillim të karrierës së tij futbollistike, pasi në atë kohë ata e çonin në klubet lokale të sportit për të luajtur futboll.
