Lojtari gjeorgjian i Kukësit, Irakli Dzaria është afruar në merkaton e janarit te verilindorët. Ai ka dhënë së fundmi një intervistë për një media gjeorgjiane ku flet mbi eksperiencën e tij në Shqipëri.
“Kemi një shans të artë për të luajtur në Ligën e Kampionëve, në qoftë se kalojnë Flamurtarin. Kryesuesit e kampionatit, Skënderbeu, janë një klub me histori, por pritet që UEFA ti dënojë ata me 10 vite mospjesëmarrje në kompeticionet evropiane. Kështu që nëse arrijmë vendin e dytë do të luajmë në kualifikueset e Ligës së Kampionëve”, tha ai i pyetur nga panorama sport.
“Mendoj se ky është objektivi ynë. Gjëja kryesore për momentin është që të parakalojmë Flamurtarin”, tha gjeorgjiani.
