Neymar ishte në qendër të vëmendjes në “Santiago Bernabeu”, aty ku PSG-ja e brazilianit humbi 3-1 nga Real Madridi.
Shokët e Neymar po bëheshin gati për ndeshjen dhe po kryenin nxehjen në mënyrën më të mirë të mundshme për ndeshjen e Champions League me Real Madridin, por jo edhe Neymari. Braziliani po e shijonte “Santiago Bernabeu”, sikur të zbriste për herë të parë në fushë, dukej sikur kërkonte diçka nga ky stadium, sikur ëndërron të luajë më shpesh aty…!
Veprimet e Neymar në “Bernabeu” janë kapur nga kamerat e “El Chiringuito de Jugones” ku braziliani nxiti spekulimet se mund të veshë fanellën e Los Blancos verën e ardhshme.
Gjatë gjithë nxehjes, por edhe ndeshjes, braziliani nuk ishte shumë i përkushtuar, ai i kërkonte në fushë dhe i përshëndeste lojtarët e Madridit, këtë më së miri e tregojnë pamjet më poshtë.
Se diçka po ndodh, e tregon më së miri shikimi i Dani Alves kur Neymari shkon dhe e përqafon Sergio Ramosin.
https://streamgoals.com/video/58363d7a4f
https://streamgoals.com/video/abcba0d5ac