Edhe pse kanë rënë në qetësi zërat për të ardhmen e Pepe Reina, duket se portieri nuk do të vazhdojë qëndrimin te Napoli. Gjatë merkatos së Janarit, u përfol shumë për një largim të mundshëm të tij nga të kaltrit, por në fund spanjolli qëndroi.
Megjithatë mediat italiane raportojnë së agjenti i tij, Quilon, këto ditë është vendosur në lëvizje për të gjetur një skuadër të re për 35-vjeçarin, titullar në ekipin e Sarrit. Në fakt, në përfundim të sezonit drejtori sportiv i Napolit, Giuntoli, duhet të gjejë dy portierë, sepse në skadencë kontrate është edhe braziliani Rafael.
