Pak minuta pasi mbrojtësi Eneo Bitri njoftoi largimin nga Partizani, të kuqtë kanë prezantuar afrimin e parë në këtë merkato. Mbrojtësi Emiljano Musta është zyrtarisht lojtari i ri i Partizanit.
Pak ditë më parë, saktësisht më 10 qershor, “Panorama Sport” siguroi foto nga takimi i drejtorit të Partizanit, Olsi Rama me mbrojtësin dhe tashmë mësohet se marrëveshja është arritur, me Mustën që ka firmosur për Partizanin për 2 vite.
Lojtari do të bashkohet me skuadrën, për t’u vënë nën urdhrat e trajnerit Ilir Daja.