Pjanici është i lumtur për rikthimin e Dybalas në pjesën më të rëndësishme të sezonit, ku “Zonja e Vjetër” po lufton për tre trofe.
Paulo Dybala është rikthyer nga lëndimi që e mbajti jashtë fushës për më shumë se një muaj. Për këtë është shprehur i lumtur mesfushori boshnjak, Miralem Pjanic.
“Rikthimi i Dybalas? Sigurisht, kthimi i Dybalas është i paçmueshëm për ne. Shpresojmë se ai do të jetë gati për pjesën e mbetur të sezonit. Kemi nevojë për kualitetet e Dybalas”, deklaroi Pjanic.
Dybala ka bërë 29 paraqitje për Juven këtë sezon, duke realizuar 17 gola – 14 prej tyre në Serie A.
