“Kur isha i vogël në Argjentinë dëgjoja gjithmonë të flitej për Italinë, për Tornion dhe Juventus. Do të jetë një ndeshje shumë e fortë, shpresoj të jetë edhe një sfidë fantastike”. Kështu u shpreh trajneri i Tottenham, Mauricio Pochettino, në kuadër të përballjes kundër bardhezinjve të Allegrit, në ndeshjen e vlefshme për Champions League.
Trajneri argjentinas ka origjinë italiane, specifikisht nga Torino. “E kemi dëshmuar tashmë edhe me Real Madrid, se mund të jemi kompetitiv, nap resin dy ndeshje entuziazmuese. Champions është një kompeticion i veccantë. Do të përballemi me një prej skuadrave më të mira në Europë. Ne jemi në formë të mirë dhe duam të vazhdojmë në këtë rrugë. Kjo do të jetë hera ime e parë në Itali, në Torino do të jetë speciale”, deklaroi trajneri Pochettino.
