U prit me shumë kureshtje rikthimi i tij para 2 vitesh në “Old Traford” te Manchester United, por deri tani duket se një lëvizje e tillë nuk është justifikuar plotësisht.
Paul Pogba kaloi në verën e vitit 2016 nga Juventus te Manchester United për një shumë prej 110 milionë eurosh, por francezi duket se është penduar për një lëvizje të tillë.
“L’Equipe” shkruan se ai ka komunikuar me disa miq të tij të cilëve besohet se iu ka thënë se do donte të ishte transferuar te Real Madrid përpara 2 vitesh dhe jo të kalonte në radhët e Manchester United.
Klubi anglez e fitoi garën për të marrë shërbimet e francezit në atë merkato, por Pogba nuk ka mundur që të shfaqë potencialin e tij të plotë në “Old Traford”.
