Marrëdhënia midis Barcelonës dhe Neymar, nga viti 2013 deri në vitin 2017, filloi të shënjohej me polemika dhe gjyqe, madje përfundoi në të njëjtën mënyrë. Një proces gjyqësor i fundit ka lindur nga largimi i sulmuesit brazilian te PSG-ja në këmbim të 222 milionë eurove. Arsyeja: 40 milionë euro premio, që babai dhe përfaqësuesi i tij ranë dakord se do të merrte nga klubi katalanas pas nënshkrimit të rinovimit të lojtarit në verën e vitit 2016. Ndërsa marrëveshja zgjati vetëm një vit, derisa PSG-ja u shfaq, Barça refuzoi të paguajë shumën e sipërcituar. Përgjigjja e Neymar ishte me dërgimin e çështjes në gjykatat e zakonshme dhe të paraqiste një ankesë në FIFA.
Mosmarrëveshja e parë është në fazën fillestare, por qeveria më e lartë e futbollit botëror tashmë ka dhënë pikëpamjen e vet, sipas programit “Què t’hi jugues” të SER-it. Ankesa refuzohet. Megjithatë, mosmarrëveshja nuk është shumë e gjatë. Tani është Barça, që ka në tryezë mundësinë për t’i kërkuar 75 milionë euro Neymarit për shkelje të kontratës. Në klubin katalanas nuk janë dhe aq optimistë me dështimin e ankesës së brazilianit në FIFA, sepse dyshojnë se lojtari nga São Paulo dhe këshilltarët e tij do ta studiojnë rrugën e CAS-it, përveç vazhdimit të ndjekjes së rastit në gjykatat e zakonshme.
