Luis Suarez mund ta ketë pasur një fillim jo edhe aq të mirë në këtë sezon, por ai e ka shpaguar këtë në stil pasi e ka nisur vitin 2018 shumë më mirë se Lionel Messi dhe Cristiano Ronaldo.
Suarezi e shënoi golin e vetëm të Barcelonës mbrëmë në fitoren minimale ndaj Valencias në “Camp Nou”, në atë që ishte ndeshja e parë gjysmëfinale në Kupën e Mbretit, transmeton Express.
Sulmuesi uruguaian i ka shënuar plot nëntë gola në tetë ndeshje në të gjitha garat këtë vit, më shumë se Messi, Ronaldo apo cilido lojtar i La Ligës.
Në përgjithësi, Suarezi i ka shënuar 20 gola në 29 paraqitje për klubin këtë sezon, 11 prej të cilave i ka shënuar para pushimit dimëror në Spanjë.
Ndërkohë, Messi i ka shënuar tetë gola deri më tani në 2018-n, ndërsa Ronaldo katra në gjashtë ndeshje, të gjitha në La Liga.