“Të shkretët ata që demoralizojnë ambientin për një barazim 2-2 kundër Tottenham!”. Kështu trajneri i Juventus, Massimiliano Allegri kishte deklaruar pas takimit të parë të të tetave të Champions League, që Juventus barazoi ndaj “Spurs” në Torino me rezultatin 2-2. Një rezultat që lë të hapur çdo skenar kualifikimi për sfidën e kthimit të programuar për datën 7 mars, në Londër dhe UEFA zbulon shanset që ka skuadra bardhezi e Allegrit, për të kaluar turin.
“Në 10 rastet e mëparshme, në sfidat me eliminim direkt, ose finale vajtje-ardhje, kampionët e Italisë në fuqi, kanë kaluar turin, ose fituar trofeun në gjashtë raste, ndërsa katër herë janë eliminuar. Por ndërkohë, nga këto 10 rastet e mëparshme me gol, në pesë raste kanë barazuar në takimin e parë me rezultatin 2-2, duke kaluar turin vetëm dy herë dhe për tu eliminuar në tre okazione. Duke konsideruar vetëm këtë statistikë të fundit, pra shanset e kualifikimit vërtiten rreth 40%”, citon analziza e UEFA-s.
“Ndërkohë, nëse në shqyrtim do të merren të gjitha rastet e mëparshme në Kupën e Kampioneve dhe UEFA Champions League, në të cilat skuadra bardhezi ka barazuar në shtëpi me rezultatin 2-2 në takimin e parë, shanset e Zonjës së Vjetër duket se janë theksueshëm më të vogla. Në 29 raste, në fakt, vetëm pesë herë skuadra e shtëpisë ka kaluar turin në transfertë, me një përqindje vetëm pak mbi 17%”, përfundon analiza mbi shanset e kualifikimit të Juventus. Por është e qartë që do të jetë fusha ajo që do të vendosë se cila skuadër do të shkojë në finale.
