Florentino Perez blindon Marco Asensio. Spanjolli ka ndryshuar fytyrën dhe ritmin e supersfidës së të mërkurës për Champions League, në përballjen kundër PSG. Një superperformancë e yllit spanjoll të “Los Blancos” që detyroi presidentin e Real Madrid, Florentino Perez, që të jetë kategorik në qëndrimin e tij në lidhje me të ardhmen e lojtarit.
“Nëse e kërkon ndonjëri, ai vlen për ne 700 milionë”, deklaroi presidenti Perez. Lajmin e publikon media spanjolle ‘Mundo Deportivo’. Sulmuesi i ri, sipas të njëjtës të përditshme spanjolle, ka refuzuar gjatë merkatos së verës një ofertë të mbërritur nga Anglia, në shumën e barabartë me 150 milionë euro. Ndërkohë, në fund të ndeshjes në Bernabeu, ka folur edhe numri një i klubit të PSG, Nasser Al-Khelaifi, duke iu përgjigjur aludimeve mbi një transferim të Neymar te Real Madrid. “Braziliani te Real Madrid? E pamundur, ka zero mundësi që ai të largohet”.