Mrekulli në akull. Kështu mund të përshkruhet historia e pabesueshme e kombëtares gjermane të hokejit në akull në Lojërat Olimpikë të dimrit. Gjermania ka dalë në finale pas arritjes së një fitoreje historike 4-3 kundër Kanadasë (kampionia në fuqi) në gjysmëfinale dhe do të përballet me rusët në finale.
Nuk kishte ndodhur kurrë në historinë e kombëtares gjermane të hokejit që të fitohej medalja e argjendtë në Lojërat Olimpike të dimrit dhe tani mund të synojnë të artën. Në 1976-ën është konsideruar një mrekulli fitimi i medaljes së bronzit në Lojërat Olimpike dimërore të Insbrukut, për këtë arsye arritja e realizuar nga skuadra e Marco Sturm është kaq e jashtëzakonshme.
Gjithashtu, Gjermania nuk kishte arritur kurrë të mundte Kanadanë në Lojërat Olimpike dhe fitorja e djeshme, pavarësisht se rezultati ka qenë 4-1 në një moment të ndeshjes, ka qenë e vuajtur deri në sekondën e fundit. I gjithë vendi shtë gëzuar për këtë arritje dhe njëri nga ata ka qenë edhe Bastain Schweinstiger, legjenda e futbollit gjerman, i cili nuk e ka përmbajtur gëzimin pasi ekipi siguroi kualifikimin historik.
Bastian Schweinsteiger is loving the Germany hockey team and wants that 🥇🇩🇪 pic.twitter.com/iWTbgW6l1M
— Planet Fútbol (@si_soccer) February 23, 2018