Arsene Wenger ka pranuar se Arsenal është nën presion për ndeshjen e Europa League, si pasojë e paraqitjes së dobët në kampionat. Francezi do të aktivizojë atë që konsideron si skuadra më e mirë e mundshme, pavarësisht se kundërshtari quhet Ostersunds. Kjo mund të jetë një lëvizje e rrezikshme që mund t’i kushtojë shumë londinezëve, që pas 10 ditësh do të luajnë në finalen e Kupës së Ligës kundër Manchester City.
“E pranoj që jemi nën presion dhe do të bëjmë të pamundurën për të fituar kundër Ostersund. Emri i kundërshtarit dhe turi në të cilin jemi të lenë të mendosh për rotacion, por ne nuk mund t’ia lejojmë vetes, duhet të fitojmë me çdo kusht në Europa League me synimin për të shkuar sa më larg në këtë veprimtari, – tha Wenger. – As që më shkon ndërmend për rotacion dhe do të aktivizoj atë që unë mendoj se është skuadra më e fortë që kam në dispozicion për momentin.”
