Muajt e tij të parë të tij te Milani kanë qenë shumë të vështirë, por kohët e fundit gjërat kanë ndryshuar shumë për të, për mirë sigurisht. Golat e fitores ndaj Genoas dhe Chievos kanë bërë që për Andre Silvën të flitet ndryshe. Sulmuesi portugez ka filluar të shikohet me një tjetër sy edhe nga mediat italiane që e kanë paragjykuar shumë pasi në kampin kuqezi gjithmonë kanë patur besim te ish bomberi i Portos i cili në verë u kushtoi arkave të Milanit plot 38 milionë euro.
Meritat për shpërthimin e Andre Silvës i cili është edhe një nga të përkëdhelurit e Cristiano Ronaldos në kombëtaren portugeze, shkojnë për trajnerin Genaro Gattuso, por jo vetëm. Pas një futbollisti të suksesshëm gjithmonë qëndron një femër e bukur dhe në këtë rast ajo është e fejuara e lojtarit Sara Rodrigues, 21-vjeçarja që punon si modele por që njëkohësisht është diplomuar si inxhiniere kimike. Është Sara muza seksi që po ndihmon Andre Silvën të shkëlqejë me Milanin në këtë fund sezoni.
