Sonte do të përcaktohen dy çerekfinalistet e fundit në Champions League.
Pa dyshim ndeshja që pritet të tërheqë vëmendjen më të madhe pritet të jetë dueli që do të zhvillohet në “Camp Nou” ndërmjet Chelseas dhe Barcelonës.
Sa u përket formacioneve, Ernesto Valverde do të ketë në dispozicion edhe Andres Iniestën, i cili disa orë para ndeshjes ka marrë miratimin e mjekëve për këtë përballje.
Mbetet jashtë Semedo, ndërsa Coutinho nuk mund të luajë në Champions, pasi është aktivizuar në këtë kompeticion gjatë pjesës së parë të sezonit kur ishte me Liverpoolin.
Conte i beson mbrojtjes me tre, ndërsa Alvaro Morata pritet ta nisë nga stoli. Hazard do të jetë sulmues i parë, i mbështetur nga Pedro dhe Willian.
Formacionet e mundshme të dy skuadrave:
BARCELONA (4-3-1-2): Ter Stegen; Sergi Roberto, Pique, Umtiti, Jordi Alba; Rakitic, Busquets, Iniesta; Paulinho; Suarez, Messi.
CHELSEA (3-4-2-1): Courtois; Rudiger, Azpilicueta, Christensen; Moses, Fabregas, Kantè, Alonso; Pedro, Willian, Hazard.
