Chelsea nuk arriti të bind Edin Dzekon që të transferohet në afatin kalimtar të janarit, por lajmet e fundit bëjnë të ditur se të njëjtën gjë skuadra nga Londra do ta provojë sërish këtë verë.
‘Giallorosët’ ishin të hapur për të diskutuar ofertat e Chelseas për sulmuesin boshnjak, por shumat e ofruara nuk ishin bindëse për ata.
Siç raporton ‘El Gol Digital’, Chelsea po përgatit një tjetër ofertë për Edin Dzekon.
Vlera e Dzekos besohet të jetë e njëjta, pasi ish sulmuesi i Manchester Cityt po kalon formë të mirë edhe këtë sezon, duke shënuar 17 gola dhe duke asistuar pesë herë në 32 paraqitje.