Ish-sulmuesi i Chelsea-t Diego Costa ka folur rreth marrëdhënies së tij me ish-lojtarin e Real Madrid.
Spanja po përgatitet të luajë miqësoren ndaj Gjermanisë të premten.
“Më ka marrë malli për Morata-n, me merremi vesh mirë bashkë,” shprehet Costa.
“Konkurrenca është gjithmonë e mirë. Morata ka kaluar një periudhë të vështirë por tani po rikthehet në formë të mirë duke shënuar gola dhe shpresoj që të rikthehet te përfaqësuesja në mënyrë që të luajmë së bashku.”
Costa gjithashtu ka komentuar edhe largimin nga Stamford Bridge.
“Nuk është faji im që u largova nga Chelsea. E dimë të gjithë se çfarë ndodhi por tani jam rikthyer dhe dua të jap më të mirën time.
“Trajneri Lopetegui më kishte premtuar se nëse do të luaja mirë do të më grumbullonte te Spanja dhe i jam mirënjohës për këtë.”
Costa u largua nga Chelsea për t’u rikthyer te Atletico Madrid dhe ka filluar të aktivizohet në janar.
