Në stadiumet italiane, tashmë, shfaqen më shumë mesazhe për Dileta Leotta-n se sa për lojtarët e skuadrave apo për vetë skuadrat. Gazetarja e “Sky” ka thënë: “Të gjitha mesazhet më pëlqejnë, por i pari nuk harrohet kurrë. Ma bënë tifozët e Spal për kthimin në B pas 23 vitesh”.
Çfarë shkruhej?
“Ishte një fotografi e imja e shoqëruar me shkrimin: “Ce la meritiamo tuttA” (E meritojmë të gjithën)”. Spal-in vazhdoj ta ndjek dhe shpresoj që të shpëtojë. Të gjitha skuadrat e Serisë B që ngjiten në A i konsideroj vajzat e mia të vogla”.
Kush do ta fitojë Serinë B këtë vit?
“Empoli ka një vazhdimësi të pabesueshme me shifra rekord. Duke filluar nga dy sulmuesit, Donnarumma dhe Caputo: 38 gola të dy”.
Po Serinë A?
“Flasim pas 22 prillit… Këtë gjithçka është e hapur, Napoli po arrin të rivalizojë me Juventus-in”.
Çfarë ju befason më shumë nga dominimi i Juventus prej 6 vitesh në Serinë A?
“Do të më pëlqente të isha një mizë për të dëgjuar fjalimet motivuese që Allegri i bën skuadrës në dhomat e zhveshjes. Do të kishte qenë bukur të dëgjoja se çfarë është thënë pas pjesës së parë në finalen e Champions League të Kardifit për të zbuluar atë që nuk ka funksionuar dhe do të kisha dashur të isha në dhomat e zhveshjes së Wembley-it pas 45 minutave të para për të kuptuar se çfarë ka bërë diferencën në fitoren me përmbysje kundër Tottenham”.
