Mungesa – “Nuk ishte vetëm Vucaj, por 3 mungesa ndikuan. Kukësi është ekipi kampion në fuqi dhe tensioni është i madh. Topi i gjatë dominonte në fushë dhe duhet të merrje masat”.
Rasti i Sukajt – “(Qesh) Nuk ka koment, vetëm gjyqtari ka koment në këto raste. Ai i mori djersën e Vllaznisë, ishte vjedhje, ishte një moment që mund të barazonte. Duhej të merren masa për gjyqtarin”.
Kukësi, sezoni i kaluar – “Në sezonin e kaluar nuk kemi patur kështu rastesh. Mund të pyesni dhe Starovën, por nuk mund të flasim për sezonin e shkuar”.
Loja – “Në pjesën e parë gabuam një moment dhe u ndëshkuam, kishim raste me Sukajn, por nuk i shfrytëzuam. Në pjesën e dytë ishim më të qetë dhe luajtëm më mirë”.
Markimi i Shametit – “Pikat kyçe markohen 1vs1. Ai ishte i markuar personalisht, por rrëshqiti”.
Çinari – “Nuk e aktivizuam nga minuta e parë, pasi kishte 3 ndeshje radhazi dhe nuk kishte shumë freski. Prandaj mendova të freskoj Çinarin”.
Kartoni i kuq i Sukajt – “Kryesore ishte të ishim të qetë dhe të mendonim për ndeshjen kundër Skënderbeut, pasi luajmë brenda fushës tonë. Ai u mendua të bënte diçka ndryshe, por bëri faull teknik, gjëra që ndodhin”.
