Në vigjilje të takimit të dytë të të tetave të Champions League, trajneri i Barcelonës, Valverde duhet të shuajë ende dyshimet në lidhje me Iniesta.
“Të hënën u stërvit pa probleme, të shohim si do të shkojë sot. Është një ndeshje e rëndësishme, për t’u kualifikuar ose eliminuar. Por është edhe një ndeshje në të cilën duhet të jesh në 100% të formës optimale.
Është e qartë se kur ekziston një ndeshje për të cilën nuk ka më kthim mbrapa, futbollistët janë të ndërgjegjshëm për rrezikun. Duhet vlerësuar risku”, sqaroi trajneri i Barcelonës, që me siguri mund të besojë te Messi.
“Chelsea është një skuadër që mund të të dëmtojë në çdo moment dhe që mund të variojë në lojën e saj në bazë të rezultateve. Janë në gjëndje të ofrojnë zgjidhje të ndryshme, si shtimi i presionit të lartë, gjë e aplikuar edhe në Londër.
\Në mbrojtje janë shumë të fortë dhe kanë cilësi të larta individuale. Nuk ekziston një formulë sekrete për të mundur skuadra të tilla”, deklaroi Valverde
