FIFA ka ndezur dritën jeshile që në Botërorin Rusi 2018 të përdoret Video Asistan Referee, sistemi-video që ndihmon arbitrat për të gabuar sa më pak në vendimet që marrin.
VAR gjatë këtij sezoni është përdorur në disa prej kampionateve më të rëndësishme në Europë siç janë Serie A e Bundesliga, por edhe në FA Cup në Angli.
Lajmi për zyrtarizimin e përdorimit të VAR në Kupën e Botës Rusi 2018, u dha nga numri 1 i qeverisë së futbollit botëror, Gianni Infantino.
“Ai i Rusisë do të jetë Botërori i parë me VAR dhe jemi shumë të kënaqur me këtë vendim që kemi marrë”, deklaroi Infantino./Ekspress
