Janë ditë, ndoshta vendimtare për të ardhmen e Rino Gattuso-s si trajner i Milanit. Një “martesë” e destinuar që të vijojë, sipas asaj që kanë lënë të kuptohet si nga ana e trajnerit dhe e shoqërisë, gjithnjë në pritje të aktit zyrtar.
“Rinovimi i Gattusso-s do të jetë dhurata jonë për ditën e Pashkës”, pati deklaruar drejtori sportiv Mirabelli dy ditë më parë, por nëse çështja e kontratës nuk do të përcaktohet sot, natyrisht që gjithçka do të ndodhë pas Pashkës. Në artikullin e sotëm të Gazzetta dello Sport thellohen skenarët e lidhur me “Ringhio” për pankinën kuqezi, analizuar edhe ndryshimin që i ka bërë skuadrës për këtë sezon.
Nuk është vetëm rendimenti i skuadrës që është përmirësuar: lojtarët, pas shkarkimit të Montella-s, kanë dhënë diçka më shumë. Janë rritur në nivel, mes tyre, Biglia, Calhanoglu, Kessia, Bonuçi dhe Romagnoli por edhe da Silva ka dhënë shenja jete. Nëse Milan-i i vitit 2018 është i fortë po aq sa Juventusi sa i përket pikëve, është normale që testi i së vërtetës do të kryhet sot kundër Juventusit dhe të mërkurën kundër Interit: nga këtu kalojnë rrugët që të çojnë në Champions.