Simeone ka refuzuar të flasë për mundësinë e largimit të Griezmannit nga Atletico.
Antoine Griezmann raportohet se në fund të sezonit aktual do të largohet nga Atletico Madridi, për të kaluar te Barcelona.
Por, trajneri i Atletico Madridit, Diego Simeone, ka refuzuar të flasë për të ardhmen e francezit.
“Nesër është nesër, duhet të flasim për realitetin. Sot ai është këtu, po luan mirë dhe ka marrëdhënie të mira edhe me tifozët”, tha Simeone.
“Shënoi gol fantastik, asistoi për të dytin dhe punoi për ekipin. Ky është realiteti – nesër do të jetë nesër”, shtoi ai, duke dhënë sinjale se edhe mund të largohet.
