Prej dy ditësh në mediat sportive po qarkullon lajmi se Rey Manaj është thirrur në ekipin kombëtar nga Christian Panucci. Ndonëse trajneri i përfaqësuese nuk e ka zbardhur ende listën e lojtarëve të grumbulluar për ndeshjen me Norvegjinë, që do të luhet më 26 mars në Elbasan, sërish aludohet për grumbullimin e Rey Manaj.
Ndërsa lista zyrtare e trajnerit Panucci për ndeshjen kundër Norvegjisë do të publikohet të premten e ardhshme. Sulmuesi shqiptar i rritur në akademinë e skuadrës së Interit në Itali, por që aktualisht luan në forëm huazimi për Grandan në ligën e dytë të futbollit në Spanjë, ka luajtur më herët me Kombëtaren e Shqipërisë. Por Manaj nuk u grumbullua më nga ish-trajneri Gianni De Biasi. Aktualisht Rey Manaj është aktivizuar shumë pak te skuadra e Granadas, duke u futur në lojë si zëvendësues.
