rajneri i Anglisë, Gareth Southgate ka marrë vendimin e tij në lidhje me atë që do të mbrojë portën e Anglisë në Kupën e Botës 2018 që do të zhvillohet në Rusi.
Ka pasur shumë diskutime gjatë javës së fundit nëse numri 1 duhet të ishte Jordan Pickford i Everton apo Jack Butland i Stoke. Të dy portierët kanë lënë një përshtypje të mirë në këtë sezon, pavarësisht se ekipet e tyre kanë vuajtur në Premier League dhe Southgate ka vendosur që porta të mbrohet nga Pickford.
Pickford ishte titullar në miqësoren ndaj Holandës dhe nuk pësoi gol, ndërsa Jack Butland u tradhtua nga vetja vetëm në minutat e fundit të ndeshjes ndaj Italisë nga penalltia e Lorenzo Insigne.
Kurioz është fakti se Pickford nuk ka pësuar asnjë gol në pesë ndeshjet që ka luajtur si titullar me “tre luanët”.
Everton shpenzoi 35 milionë euro në verën e kaluar për të marrë numrin 1 nga Sunderland. Butland do të jetë portieri i dytë, ndërsa portieri i tretë do të jetë ish-titullari Joe Hart, i cili mbrojti portën e Anglisë në Euro 2016. Portieri i West Ham fitoi balotazhin me Nick Pope dhe Tom Heaton.
