Agjenti i Jorginhos është takuar me përfaqësuesit e Man City dhe Man United, bëjnë të ditur mediat italiane.
Sipas “Rai Sport”, agjenti i Jorginhos ka qenë prezent në “Etihad” në miqësoren mes Italisë dhe Argjentinës dhe është takuar me drejtuesit e Manchester City dhe United.
Dy klubet nga Mançesteri e duan lojtarin dhe agjenti, Joao Santos, është duke punuar që ta largojë gjatë verës nga Napoli, nëse kjo e fundit dështon ta fitojë Scudetton.
Për Jorginhon, që bëri paraqitje të mirë kundër Argjentinës, janë duke u interesuar edhe Liverpooli e Chelsea.
