Një nga prioritetet kryesore të Napolit gjatë merkatos së kësaj vere do të jetë të nënshkruajë me një zëvendësues afatgjatë për mbrojtësin e djathtë 36-vjeçar, Christian Maggio.
Alternativa e vetme serioze për Sarri-n është Elseid Hysaj, i cili shpesh është lidhur me disa klube të mëdha. Në të vërtetë, drejtori sportiv i të kaltërve, Cristiano Giuntoli, kishte identifikuar Shime Vrsaljko të Atletico Madrid si objektivin e tij të parë, por pasi Filipe Luís theu këmbën “Los Colchoneros” kanë vendosur të mos e largojnë ish-lojtarin e Sassuolo.
Në këtë mënyrë Giuntoli është detyruar të eksplorojë disa opsione të tjera dhe tani po shikon mundësinë për një lëvizje për yllin e Arsenalit, Hektor Bellerin, i cili gjithashtu ka qenë i lidhur me Juventusin dhe Barcelonës gjatë muajve të fundit.
Edhe pse është vetëm 23 vjeç, spanjolli tashmë ka arritur të ketë një sasi të konsiderueshme eksperience në Londrën e Veriut, e cila mund të jetë e paçmueshme për skuadrën e Maurizio Sarri-t, ndërsa ata kërkojnë të lënë një përshtypje më të madhe në garën evropiane sezonin e ardhshëm. Në rast se ky operacion realizohet, Hysaj duhet t’i bëjë mirë llogaritë, pasi Bellerin nuk do pranojë të jetë zëvendësues.
