Borussia Dortmund po kërkon të nënshkruajë me sulmuesin Lautaro Martinez, sipas raporteve në Argjentinë.
Sulmuesi i Racing Club, vendosi për t’u bashkuar me zikaltrit, pasi dy klubet ranë dakord për një marrëveshje me vlerë 23.5 milionë sterlina, por Borussia do të ofrojë 28.5 milionë sterlina për objektivin e Manchester City-t, Lautaro Martinez, i cili ka firmosur një para-kontratë për t’u bashkuar me Interin për 23.5 milionë sterlina.
Zv.presidenti i Interit, Javier Zanetti kishte një marrëveshje paraprake me homologun e tij të Racing, Diego Milito, i cili është një shok i ish-klubit dhe ekipit në kombëtaren argjentinase.
“TYC Sports” shkruan se Borussia Dortmund tashmë ka paraqitur një ofertë prej 28.5 milionë sterlinash dhe nëse oferta do të pranohet, ai do të refuzonte marrëveshjen e tij me zikaltrit dhe do të shkonte në Bundesliga.
Legjendat e Interit, Zanetti dhe Milito kishin punuar sëbashku për të arritur këtë marrëveshje për sulmuesin argjentinas. Agjenti i Martinez ditët e fundit deklaroi me bindje, se transferimi do të ndodhte dhe konfirmoi, se sulmuesi kishte hedhur poshtë një lëvizje në Manchester City për t’u bashkuar me Interin. Gjithsesi tani situata duket se është ndërlikuar.
