Ekipet e mëdha të Europës kanë nisur të ngrohin motorrët në përpjekje për të planifikuar lëvizjet e bujshme për merkaton e ardhshme verore.
Mes klubeve elitare qëndron edhe Manchester United i udhëhequr nga trajneri portugez, Jose Mourinho, që premton se do të ndërhyjë me blerje, sidomos në mesfushë. Në dyshim qëndron pozicioni i francezit, Paul Pogba, gjithmonë e më në hije në projektin e teknikut “Special One”.
Referuar raportimeve të mediave angleze dhe atyre italiane, në rast largimit të ish-mesfushorit të Juventus, që tashmë vlerësohet jo më pak se 200 milionë euro, atëherë “Djajtë e Kuq” mund të investojnë te Marco Verratti i Paris Saint-Germain.
Mesfushori italian, përpara se të rinovonte me parisienët, ishte shumë pranë largimit nga Franca, i përfolur për një transferim të mundshëm te Barcelona.
