Real Madrid do të kthehet në fushë pasditen e së shtunës dhe do të luajë në fushën e Las Palmas. Kampionët në fuqi mbajnë vendin e tretë në kampionat me 60 pikë, 1 më shumë se Valencia e vendit të katërt dhe katër më pak se Atletico Madrid i vendit të dytë.
Skuadra e Zinedine Zidane do të paraqitet në këtë takim pas tri fitoresh radhazi të marra në kampionat, ndërsa lojtarët e Paco Jimenez nuk kanë fituar asnjë ngë pesë të fundit dhe mbajnë vendin e 18 në renditje, gjashtë pikë larg mbijetesës. Kështu, “Kanarinat” janë të dëshpëruar për një fitore, por nuk do të jetë aspak e lehtë ta marrin këtë kundër madrilenëve.
Siç mund të imagjinohet, Real Madrid ka dominuar përballjet me Las Palmas (6 fitore, 2 barazime dhe 1 humbje në 9 ndeshjet e fundit). Pavarësisht nga kjo, vendasit kanë arritur të marrin dy rezultate befasuese ndaj “Los Blancos”, duke barazuar dy nga tri ndeshjet e fundit. ndërkohë, tetë nga nëntë përballjet e fundit mes këtyre dy ekipeve kanë sjellë 3 ose më shumë gola për ndeshje. Real Madrid ka fituar 3-0 takimin e fazës së parë.