Humbja e pësuar kundër Leipzig në javën e fundit të kampionatit para ndeshjeve të kombëtareve i ka hequr mundësinë Bayern-it të barazojë rekordin e ndeshjeve të nevojshme për të fituar titullin në Gjermani. Në fakt, Bayern i Pep Guardiola e ka siguruar trofeun pas 27 ndeshjesh në sezonin 2013/14.
Gjithsesi, jo gjithçka është e humbur, duke parë se kampionët në fuqi mund ta fitojnë titullin në shtëpi për herë të parë në 18 vitet e fundit me një fitore në “Der Klasiker” pasditen e së shtunës, gjithmonë nëse Schalke nuk fiton në shtëpi kundër Freiburg.
Gjithashtu, bavarezët do të kërkojnë të marrin fitoren e tretë kundër Borussia Dortmund në një sezon për herë të parë në historinë e tyre (ndeshja e fazës së parë u fitua 3-1 nga Bayern, që i ka eliminuar edhe në 1/8-at e Kupës së Gjermanisë), por Dortmund do të luftojë që t’i prishë planet e rivalëve të përjetshëm.
Vlen të përmendet edhe se janë bërë shumë ndryshime të rëndësishme që nga ndeshja e fundit mes këtyre ekipeve. Dortmund luan për një vend në Champions League dhe për vendin e dytë në renditje, që mbahet nga rivalët e Schalke-s, të cilët kanë një avantazh prej vetëm një pike.
Për më tepër, trajneri i verdhezinjve, Stoger, do të kërkojë të mbetet i pamposhtur në drejtim të Borussi-aspër sa i takon ndeshjeve të kampionatit: 7 fitore, 5 barazime. Ndërkohë, Dortmund ka një sulmues të ri, si Batshuayi, i cili ka zëvendësuar në mënyrën më të mirë të mundshme Aubameyang dhe ka cilësitë e duhura për t’u bërë një super yll në Gjermani.
Në fakt, ai është golashënuesi më i mirë i Borussia-s në 2018-ë, me 6 gola të shënuar që nga momenti i huazimit. Por, nga ana tjetër, Bayern do të ketë Robert Lewandowski-n, i cili kryeson renditjen e golashënuesve të Bundesliga-s me 23 gola. Gjithashtu, Lewa nuk është treguar shumë i mëshirshëm me ish-klubin e tij që nga koha e kalimit te rivalët bavarezë, duke shënuar shtatë gola kundër tyre që nga 2014-a.
Shifra dhe Fakte
– Siç mund të imagjinohet, Bayern ka një nga ecuritë më të mira të ndeshjeve të kampionatit të luajtura në shtëpi (11 fitore, 2 barazime) dhe një mesatare prej 3 golash për ndeshje.
– Bayern Munich ka fituar katër nga pesë ndeshjet e fundit që ka luajtur kundër Dortmund.
– Në 77% të takimeve të luajtura mes këtyre dy skuadrave janë realizuar më shumë se 2.5 gola për ndeshje.
– Batshuayi ka shënuar 6 gola në 7 ndeshje të Bundesliga-s dhe ka një mesatare prej 1 goli çdo 95 minuta. Më mirë se ai ka bërë vetëm Robert Lewandowski.
