Mijëra tifozë, miq, familjarë dhe futbollistë të njohur po i japin lamtumirën e fundit Davide Astorit.
Bota e futbollit italian sot do të bëhet bashkë për t’i dhënë respektin e fundit kapitenit të Fiorentinas, Davide Astori.
Në orën 10:00 do të zhvillohet funerali në Bazilikën “Santa Croce” ku pritet të bëhen homazhet në nder të lojtarit që humbi jetën ditën e diel si pasojë e një arresti kardiak.
Me mijëra tifozë do të qëndrojnë në Piazza dhe shumë të tjerë në tribunat e stadiumit Artemio Franchi.
Tifozët nuk do të lejohen në Basilica di Santa Croce ku do të qëndrojë arkivoli i tij, ndërsa mediat janë të lejuara vetëm në Piazza Santa Croce dhe Via Antonio Magliabechi.
Trupi do të shkojë në San Pellegrino, vendlindja e kapitenit të Fiorentinës.
Italiani Davide Astori të dielën u gjet i vdekur në hotel pak orë para ndeshjes me Udinesen, duke shokuar botën e futbollit.
