Trajneri i Interit, Luciano Spalletti, duket se ka gjetur kurën që skuadra të marrë rezultate pozitive në javët e ardhshme. Në intervistën pas ndeshjes së fituar 0-5 kundër Sampdoria-s italiani ka deklaruar se periudha negative ka ardhur si pasojë e disa gabimeve që ai ka lejuar të ndodhin.
Për ndeshjen kundër Sampdorias trajneri i Interit deklaroi: “Skuadra më pëlqeu sot, pasi shfaqi personalitet kundër një rivali të vështirë. Kemi luajtur si një skuadër dhe e kërkuam fitoren me çdo kusht. Tani jemi një skuadër tjetër.
Periudha negative? Shpesh është faji i trajnerit. Praktikisht unë lejova të ndodhnin gjëra që nuk duhej të ndodhnin. Por tani duhet të mendojmë për ndeshjen e radhës”, përfundoi trajneri i Interit, Luciano Spalletti.
(BalkanWeb)
