Edhe zyrtarisht është konfirmuar se Giorgio Chiellini është i pezulluar për ndeshjen finale të Kupës së Italisë, në të cilën Juventusi do të përballet me Milanin.
Qendërmbrojtësi italian u ndëshkua për herë të dytë në këtë garë në ndeshjen e djeshme gjysmëfinale kundër Atalantës, që do të thotë se është i pezulluar për finalen.
Ndërkohë, Miralem Pjanic është gjobitur me 1.500 euro për simulim në tentim për të fituar një penallti në ndeshjen e djeshme, veprim për të cilin është ndëshkuar edhe me karton të verdhë.
Finalja e Kupës së Italisë do të zhvillohet më 9 maj në stadiumin e Romës, “Olimpico”.
