Crystal Palace mori një fitore 2-0 kundër Huddersfield në ndeshjen e fundit të kampionatit të luajtur para ndërprerjes për ndeshjet e kombëtareve. Një rezultat ky që i ka dhënë fund një ecurie prej 7 ndeshjesh pa humbje.
Ata mbajnë vendin e 16-të në renditje dhe kanë një avantazh prej dy pikësh ndaj zonës së rënies nga kategoria. Këtë të shtunë, ata do të presin në shtëpi Liverpool, që kanë marrë një fitore 5-0 kundër Watford në javën e fundit të kampionatit. “Të Kuqtë” janë në vendin e tretë të renditjes, dy pikë larg Manchester United të vendit të dytë.
Gjithsesi, mund të thuhet se lojtarët e Klopp e kanë siguruar pozicionin mes katër vendeve të para, edhe pse Chelsea i vendit të pestë ndodhet shtatë pikë larg. Për sa i takon përballjeve direkte, këto dy skuadra kanë marrë nga tri fitore secila në gjashtë ndeshjet e fundit të kampionatit.
Të dy skuadrat kanë shënuar në nëntë nga dhjetë ndeshjet e fundit që kanë luajtur mes tyre. Ndërkohë, rezultati 0-0 ka munguar në 14 takimet e fundit të luajtura mes Palace dhe Liverpool.
