Futboll

Partizani-Flamurtari, në ‘Selman Stërmasi’ luhet Europa

Javët e fundit, pavarësisht se erdhi ndryshimi në drejtimin teknik me largimin e Starovës dhe ngjitjen në pozitë të Dalipit, Partizani ka treguar një fytyrë më tërheqëse dhe këtë e konfirmoi edhe të mërkurën në Shkodër, ku megjithëse nuk arriti të shkonte më shumë se sa një barazim pa gola, loja e paraqitur e shton optimizmin tek tifozët.

Demat vijnë të plotë në këtë sfidë dhe Dalipi pritet të mos prekë asgjë nga formacioni që zbriti në fushë në ‘Loro Boriçi’, pra me Bathën e Trashin në rolin e digës dhe me treshen Mala, Asani e Bardhi në mbështetje të Prognit që edhe një herë do të mbulojë rolin e qendërsulmuesit.

Ndërkohë që kuqezinjtë nuk po shohin më dritë në fund të tunelit, vetëm 2 pikë në 5 javët e fundit është një kuotë e denjë për pozicionin e fundit të renditjes dhe jo për një ekip që synon Ligën e Europës.

Mungesat kanë qenë një nga problemet kryesore dhe për këtë takim trajneri Duro ka rikuperuar shërbimet e Bushiç dhe Nedjelkoviç, megjithatë situata mbetet kritike, pasi tekniku nuk do të ketë mundësinë të aktivizojë për shkak pezullimi as Ditmar Bicajn dhe Siljanovskin, pa llogaritur që ende jashtë për shkak dëmtimi janë portieri Nurkoviç, Muarem dhe Tunkara.

Vlonjatët kanë një trend pozitiv ndaj të kuqve në këtë edicion, ku kanë fituar 3 nga 4 ndeshjet e zhvilluara, megjithatë duket se kësaj here 3 pikët përballë Partizanit do të jenë një mision shumë i vështirë.

Related posts

VIJON TË QËNDROJË NË ARREST SHTËPIE/ Ronaldinho pranë rikthimit në futbollin e luajtur, kushti i vetëm është…

Delo.autor

“SAPO KAM FILLUAR NXEHMJEN”/ Ibrahimovic dëshiron të qëndrojë te Milan: Nuk jam si ju, kam luftuar gjithë jetën

Delo.autor

Nga Anglia: Matteo Darmian, midis Interit dhe Juventusit (DETAJET)

Isa.Autor

Leave a Comment