Ish-mesfushori i Junajtid, Darren Gibson, sot lojtar i Sandërlendit, është arrestuar nga Policia pas një aksidenti të frikshëm që ka bërë të shtunën gjatë udhëtimit për në qendrën stërvitore. Makina e irlandezit është shkatërruar totalisht, por fatmirësisht ai ka shpëtuar pa lëndime.
Megjithatë, Policia, e cila njoftoi se ai ishte me 96 km/h në momentin e aksidentit, e ka arrestuar futbollistin me dyshimin se po e ngiste atë në gjendje të dehur.
Kjo nuk është hera e parë që ai i jep makinës nën efektin e alkoolit. Në shtator 2015, atij iu hoq patenta për 20 muaj pasi u ndalua i dehur. 30-vjeçari vuan aktualisht një tërheqje muskulore në ijë dhe pritet të rikthehet në fushë në muajin prill.
