Kurzawa pritet t’i thotë lamtumirë PSG-së në verë, Barcelona dhe Tottenhami janë dy skuadrat që interesohen më së shumti për 25 vjeçarin.
Aventura e Laybin Kurzawas te Paris Saint Germain po përfundon.
Rendimenti i mbrojtësit të majtë sipas shtypit francez nuk është ai i kërkuar nga drejtuesit ndaj dhe lojtari i ardhur në 2015 nga Monaco pritet të largohet në fund të sezonit aktual.
Kurzawa ka luajtur 16 ndeshje në Ligue 1 dhe 5 në Champions League, por pavarësisht se nuk ka bindur Emery për shërbimet e 25-vjeçarit janë interesuar Barcelona dhe Tottenham dhe në verë duhet të paguajnë të paktën 30 milionë euro për shërbimet e tij.
