Renato Arapi është një ndër lojtarët që kanë luajtur për shumë vite në Kategorinë Superiore. Mbrojtësi u afrua në verën e vitit 2016 te Partizani, por u largua përsëri për shkak të një ofertë të të majme që erdhi në drejtim të tij nga ekipi turk i Bolusporit.
Arapi luan prej dy sezonesh në ligën e dytë turke me Bolusporin, ndërsa këtë sezon ky ekip pretendon ngjitjen për të ligën e parë turke. Në ndeshjen e fundit në kampionat, ai shënoi edhe një gol dhe ekipi i tij fitoi 3-1.
Ai foli në një lidhje për “Supersport” për të ardhmen e tij, ku nuk përjashtoi as një rikthim të mundshëm në Kategorinë Superiore.
Renato Arai “Jam shumë i kënaqur për golin që shënova dhe për 3 pikët që mori skuadra. Fillimin e kampionatit nuk e kishim të mirë. Me ndryshimin e trajnerit gjërat po shkojnë mirë dhe mendoj se dy ndeshjet e ardhshme janë vendimtare për zonën e play-off-it.
“Kampionatin shqiptar e ndjek, sepse jam i lidhur me të. Besoj se Skënderbeu e ka “vrarë” kampionatin. Ka diferencë, pas eksperiencës në Europë dhe kualitetit që ka në ekip. Edhe vendet për Kupat e Europës janë pak a shumë të qarta. Kukësi dhe Flamurtari luajnë për vendin e dytë.”
“Kontrata ime përfundon në fund të sezonit dhe bisedimet kanë nisur, por për asgjë nuk është rënë dakord. Të shohim, nuk e mohoj kthimin në Shqipëri. Futbolli është i tillë, ka shumë gjëra të paparashikueshme”, – tha Renato Arapi.
