Roma ka shënuar fitore minimale 1:0 ndaj Shakhtar, por të mjaftueshme për të kaluar në çerekfinale të Ligës së Kampionëve.
Skuadra italiane, Roma ka siguruar kalimin në çerekfinale të Ligës së Kampionëve, pas fitores 1:0 ndaj Shakhtarit në Olimpico.
Rezultati i dy ndeshjeve ishte 2:2, por Roma kaloi tutje fal golit që kishte shënuar si mysafir.
Golin e vetëm dhe të fitores për romakët e shënoi sulmuesi boshnjak, Edin Dzeko në minutën e 52’të.
Roma kështu bëhet skuadra e gjashtë që kalon në çerekfinale të Ligës së Kampionëve, pas Real Madridit, Liverpoolit, Manchester Cityt, Juventusit dhe Sevillas.
