Talenti i Borussia Dortmund, Jadon Sancho, ka pranuar se atij i është ndalur të fusë topin mes shalëve të futbollistëve të tjerë gjatë seancave stërvitore.
Sancho ka lënë një përshtypje të shkëlqyer te skuadra gjermane, kur u ble gjatë verës nga Manchester City për 10 milionë paundë. Aktualisht i dëmtuar në ligatet e kaviljes, Sancho ka marrë vlerësimet maksimale nga trajneri Peter Stoger dhe shihet si e ardhmja e klubit gjerman.
Në një intervistë për “JD Football”, Sancho zbuloi: “Ia kam futur topin prej shalëve kapitenëve të Dortmund (Marcel Schmelzer) dhe Manchester City (Vincent Kompany) dhe ata më kanë thënë të mos e bëj më diçka të tillë.
Shokët e mi janë ankuar për këto veprime gjatë stërvitjes dhe tani te Dortmund ka manë ndalur kategorikisht diçka të tillë. E kuptoj që tani gjërat janë më serioze, por ajo është një mënyrë e të shprehurit.” Sancho është shpallur kampion bote me Anglinë U-17 dhe deri tani ka luajtur gjashtë ndeshje në Bundesliga.
