“Mendoj që problemi ishte se të dyja ekipet luftonin për diçka. Teuta lufton për mbijetesë, ndërsa ne duam të mbajmë vendin e dytë. Nuk e filluam mirë ndeshjen. Na ka munguar agresiviteti në fillimin e ndeshjes dhe pasimet e mira. Ekipi u zgjua nga gjumi pas golit të parë të Teutës.
Në 20 minutat e fundit tentuam barazimin dhe për fat të mirë e gjetëm. Sot kishim edhe presidentin në dhomat e zhveshjes, i cili e motivoi shumë ekipin.
Me këtë atmosferë dhe motivim, zhvilluam një pjesë të dytë mjaft të mirë. Shënuam 2 gola, avancuam 3-1, mendoj që nëpërmjet Gurit kishim rast të shënonim sërish golin e tretë. 10 minutat e fundit shkuan ashtu siç shkuan. Dy golat e Gurit? Mendoj se sulmuesi ynë ishte shumë i rëndësishëm në këtë ndeshje.
Nga java në javë, ai po rritet. Goli i dytë i Gurit ishte klas më vete. Problemet në mbrojtje? Si çdo trajner, do të doja ta kisha mbrojtjen e plotë.
Për fatin e keq kemi pasur mungesa dhe nuk kemi arritur të luajmë me një mbrojtje stabël. Shpresoj që në javët e mbetura të kampionatit të jemi të gjithë. Pozicioni i Shkodrës?
Kur kam ardhur këtu, kam parë videot e Shkodrës dhe e kam ditur që roli i tij natyral është mbrapa sulmuesit, por në atë rol kemi pasur një ide me Bakajn, ndaj e kam aktivizuar para mbrojtjes. Mendoj që mbrapa sulmuesit do të luajë në vazhdim dhe do të japë maksimumin e tij.”
