Dean Lico do të transferohet te Leganes në Spanjë.
Po kryhen dhe procedurat e fundit, mes klubit të Skënderbeut që zotëron kartonin e lojtarit dhe Leganes, për dhënien e dokumentacionit të nevojshëm që Liço të zyrtarizohet në skuadrën spanjolle.
Mësohet nga burime të sigurta pranë lojtarit, se 18-vjeçari brenda dy ditësh do të marrë vizën.
Kujtojmë që Dean Liço është pjesë e Skënderbeut B, ndërsa tashmë bëhet e ditur që talenti korçar do të transferohet në Spanjë.
Kjo nuk është hera e parë që Skënderbeu kryen një transferim të bujshëm, pasi politikat e klubit korçar janë të tilla. Vlen të përmendim Olainkën që u shit për shifrën 1.1 milion euro në Belgjikë apo Bernard Berishën në Rusi për 400 mijë euro.
