Mbyllet në barazim 1-1 ndeshja e mbrëmjes në “Serie A” mes Milan dhe Sassuolo, duke zvogëluar tepërmi shanset e vendasve për të arritur një nga katër vendet e para, që garanton praninë në Champions League sezonin e ardhshëm.
Kuqezinjtë luajtën ndeshjen më të dobët që kur Gennaro Gattuso ka marrë drejtimin e ekipit dhe me përjashtim të dy rasteve në 10 minutat e para ishin të përgjumur totalisht.
Në pjesën e dytë, kur vendasit duhet të jepnin shtysën maksimale ata nuk patën kthjelltësinë dhe saktësinë e duhur dhe nuk e goditën asnjë portën kundërshtare.
Sassuolo e ndëshkoi Milan rreth 15 minuta para fundit me golin e bukur të Matteo Politano nga jashtë zone, që nuk i dha mundësi reagimi portierit Donnarumma.
Gjithsesi, katër minuta para fundit, Milan shmangu humbjen me golin e shënuar nga Nicola Kalinic.
Kur mbeten edhe shtatë ndeshje nga fundi i kampionatit, Milan renditet në vendin e gjashtë, tetë pikë larg zonës Champions, ndërsa Sassuolo është tre pikë mbi zonën e rënies nga kategoria.
VIDEO / Dy golat e ndeshjes…