Barcelona po konsideron një transferim me vlerë 75 milionë euro për sulmuesin e Manchester United Anthony Martial.
Raportohet se kanë ngecur negociatat për një rinovim me drejtuesit e United pasi lojtari nuk është i kënaqur me minutat e luajtura nën drejtimin e Jose Mourinho. Marrëveshja e tij aktuale kadon në verën e 2019 – por United ka opsionin për të rinovuar për një vit tjetër.
Që kur Alexis Sanchez i është bashkuar klubit, Martial nuk ka shënuar dhe ka nisur nga minuta e parë vetëm katër ndeshje.
Martial gjithashtu thuhet të jetë i pakënaqur që i është kërkuar të luajë në të djathtë pasi vendin e tij në të majtë e ka zënë Sanchez.
Barcelona konsideroi një ofertë për Martial edhe verën e kaluar përpara se të merrte Dembele por tani mund të rikthehen për të blerë francezin në verën që na pret.
Gjithashtu katalanasit po shohin me vëmendje progresin e Ryan Sessegnon që aktualisht luan te Fulham në kategorinë e dytë angleze. 17-vjeçari ka shënuar 14 gola në 43 paraqitje me klubin e tij.
