Klubi legjendar i Argjentinës, Boca Juniors ka gati një ofertë sensacionale për të afruar në skuadër portierin e Juventus, Gianluigi Buffon. Siç raporton “Ole”, ekipi ku aktivizohet edhe miku i tij i ngushtë, Carlos Tevez ka përgatitur një kontratë 1-vjeçare për 40-vjeçarin i cili ka pranuar se do të “varë këpucët në gozhdë” në fund të sezonit.
Numri një i portës së “Zonjës së Vjetër” dhe Italisë, do ta mbyllë karrierën si lojtar profesionist me titullin kampion në Serie A. Nga ana tjetër ndihet i zhgënjyer që nuk arriti të kualifikohet në finalen e Champions League dhe në Botërorin “Rusi 2018”.
Boca shpreson të bindë gardianin “axurr” që të mbyllë karrierën në kampionatin argjentinas me fanellën e tyre. Bardhezinjtë kanë gati zëvendësuesin e tij, Ëojciech Szczesny.
Buffon më parë deklaroi që do të qëndronte edhe një vit tjetër me Juven, nëse ia dalin të fitojnë Champions League, trofe të cilin e kërkon prej vitesh.
Gigi është pjesë e kampionëve në fuqi të Italisë që nga viti 2001 dhe ka zhvilluar 505 ndeshje me to dhe 176 me kombëtaren që nga viti 1997-të.
