Sezoni që po bën Mohamed Salah është “përrallor”. Sulmuesi maroken ka arritur të shënojë plot 43 gola (31 në kampionat, 11 në Champions League dhe 1 në FA Cuo), çka ka bërë që për të të ketë interesim të madh nga klubet më të mëdha në bot. Sot për sot çmimi i tij ka kaluar edhe atë të Neymar, i cili u shit nga Barcelona te PSG për rreth 230 milionë euro. Nëse do të transferohej, rekordi i brazilianit do të thyhej, por në Angli po mendojnë ta “blindojnë”, duke i ofruar një kontratë të re.
Momentalisht Salah përfiton 90 mijë sterlina në javë dhe për ta bindur sipas “The Sun” Liverpool-i do t’ia dyfishojë pagën. Sipas tabloidit britanik, paga e re do të shkojë në 185 mijë euro. Drejtuesit e klubit duan që të mos humbin një tjetër “yll” të skuadrës, sikurse ka ndodhur në të shkuarën me Luis Suarez dhe Coutinho , ndaj edhe po bëjnë çmos që ta bindin sulmuesin e tyre të nënshkruajë kontratën e re, pasi Real Madrid është gati ta blejë atë.
Normalisht janë të kuqtë ata që ia vënë çmimin dhe nuk ka një klauzolë në kontratën e Salah. Momentalisht ai ndihet shumë mirë në Liverpool së bashku me bashkëshorten e tij, ndërkohë që edhe trajtimi që po i bën trajnerin Jurgen Klopp është shumë i mirë. Në verë për të anglezët paguan rreth 35 milionë euro për kartonin e tij nga Roma, ndërkohë që kontrata e tij aktuale vlen deri në qershor të vitit 2022. Synimi është që kontrata t’i zgjatet edhe më shumë, pasi me të vërtetë forma që po kalon ëshët shumë e mirë.