Pesë lojtarë të Manchester Cityt janë zgjedhur në ekipin e vitit në Premierligë nga Shoqata e Futbollistëve Profesionistë.
Mesfushorët Kevin de Bruyne dhe David Silva, mbrojtësit Nicolas Otamendi dhe Kyle Walker dhe sulmuesi Sergio Aguero e përfaqësojnë kampionin e Premierligës në formacionin e vitit, transmeton Gazeta Express.
Sulmuesi i jashtëzakonshëm i Liverpoolit, Mohamed Salah dhe ai i Tottenhamit, Harry Kane – të cilët i kanë shënuar 29 dhe 25 gola respektivisht, po ashtu janë pjesë e ekipit të vitit.
Lojtari i vetëm i Manchester Unitedit në ekipin e vitit është portieri David de Gea.
